27 январнинг эътиборга молик янгиликлари — «Дарё»нинг кечки дайжестида.
1. Ўзбекистон ҳукумати ишлаётган пенсионерларга пенсияларини тўлиқ ҳажмда тўлаш масаласини кўриб чиқади. Бундан ташқари, пенсионерларга жамоат транспортидан бепул фойдаланишга имкон берувчи қарор бир ой ичида қабул қилинади.
2. «Ўзбекистон ҳаво йўллари» янги йўналишларни очади. Тошкент аэропортининг 2020 йилда фойдаланишга топшириладиган «Тошкент-4» терминали қуриладиган ҳудуддан 1400 га яқин оила кўчирилади.
3. Бухоро шаҳрига янги ҳоким тайинланди. «Шаҳарни ободонлаштириш ишлари аянчли аҳволда», — деди шаҳар раҳбарини алмаштириш вақтида вилоят ҳокими Ўктам Барноев.
4. Фото: Андижоннинг янги кўринишдаги автобус бекатлари. Бундай бекатларнинг дастлабкилари шаҳарнинг Машраб ва Ўзбекистон кўчаларида қуриб, фойдаланишга топширилган.
5. UzReport қошида ташкил этилаётган «Футбол-ТВ» телеканали март ойидан фаолиятини бошлайди. Тожикистонда эса кучли бешлик чемпионатларининг бари кўрсатадиган «Футбол» канали ишга туширилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)