Жанубий Кореянинг Samsung концерни Вьетнамда электрон бутловчи қисмларни ишлаб чиқаришни кенгайтиришга 2,5 миллиард доллар сармоя киритади, деб ёзади «ТАСС». Бунда гап смартфонлар учун суюқ кристалли сенсорли экранларни ишлаб чиқариш ҳақида бормоқда, уларни Samsung’нинг Вьетнам шимолида жойлашган иккита йиғувчи корхонаси чиқаради.
Dau tu газетаси маълумотларига кўра, 2017 йилнинг биринчи чораги охиригача Жанубий Корея компанияси раҳбарияти ва Вьетнам ҳукумати ўртасида музокаралар тугаши ва расмий инвестиция битими тузилиши кутилмоқда.
2016 йилда Samsung Vietnam компанияси маҳсулотларининг хорижга сотилиши мамлакатга бутун экспорт даромадининг 22,7 фоизини келтирган. Samsung’нинг Вьетнамдаги заводларида ишлаб чиқарилган маҳсулотларни ташқи бозорга етказиб беришдан ўтган йили 39,9 миллиард доллар даромад олинган, бу 2015 йилга нисбатан 9,9 фоизга кўпроқ, демакдир.
Изоҳ (0)