«Айтишларича, шоҳ сохта экан». Вадим Абрамов «Бухоро»да ишламайди, у Тошкент клубларидан умидвор

Вадим Абрамов Тошкент клубларидан бирида ишламоқчи ва таклифлар учун очиқ. Бу ҳақда мутахассис «Эрудит Спорт» нашри билан интервьюда айтиб ўтган.

Янги клуб билан мени табриклай олмайсиз. Чунки мен ҳеч қаерда ишлаётганим йўқ. Бухорога келиб, айрим масалаларда маслаҳатлашишимни сўрашди ва мен келдим.

Менинг бошқа режаларим бор. Таклиф қилишлари ҳамоноқ «йўқ» деб жавоб бериш ноқулай бўлди. Вазият билан танишдим, раҳбарлар билан гаплашдим. Бироқ менинг Тошкентдан ташқарида ишлашим қийин.

Вадим Абрамов, Ўзбекистон миллий терма жамоаси собиқ бош мураббийи

Улуғбек Бақоев номзодини мен таклиф қилдим. Уни мураббий қилганларидан хурсанд бўлдим. Қўлимдан келганича ёрдамимни аямаслигимни айтдим.

Мен бунда Бақоевга маслаҳатчи мураббий бўлиб ишламайман. Чемпионат бошлангунига қадар ишни йўлга қўйиб олишида кўмаклашиб тураман. Уни ўйлантираётган масалаларни ечишга ёрдам бераман.

Янги таклифлар учун очиқман ва уни кўриб чиқаман.

Вадим Абрамов, Ўзбекистон миллий терма жамоаси собиқ бош мураббийи