Қирғизистон президенти Алмазбек Атамбаевнинг фикрича, айрим олчоқ сиёсатчилар мамлакатда нифоқ солишга уринмоқда. Бу ҳақда Атамбаев янгиланган конституция матнини имзолаш маросимида маълум қилди, дея хабар бермоқда Knews.
Алмазбек Атамбаев манқурт деганда кимларни назарда тутганига аниқлик киритилмаган.
Ўз халқини пул эвазига сотаётган манқуртларга мурожаат қилишни истардим: болаларингиз қарғишига қолиб кетасиз. Бундай жирканч ўйинларга берилманг, фарзандларингиз лаънатидан қўрқинг. Болаларингиз, набираларингиз сиз йўл қўйган шармандалик сабабли кўчага чиқолмай қолади. Мамлакатимиз бирдамлигига путур етказишни истаганлар ўз келажаги илдизига болта урган бўлади.Эслатиб ўтамиз, Қирғизистон президенти тасдиқлаган ўзгаришлар президент ваколатлари қисқартирилиши, парламент ва бош вазир ҳуқуқларининг кенгайтирилиши, суд ва ҳуқуқ-тартибот тизимида ислоҳотлар ўтказилишини назарда тутади.Алмазбек Атамбаев, Қирғизистон президенти
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)