Австралиянинг Перт шаҳридаги авиашоу чоғида енгил моторли самолёт қулаши туфайли икки киши ҳалок бўлди, деб хабар берди «Интерфакс».
Grumman G-73 Mallard самолёти баландликни кескин йўқота бошлади ва Суон дарёсига қулаб тушди. Авиаҳалокат бир неча минг томошабин кўз ўнгида рўй берди.
Ҳаво кемаси бортида бўлган 52 ёшли учувчи Питер Линч ва унинг ҳамроҳи Эндра Какравати ҳалок бўлди. Ҳалокат сабаблари ҳозирча маълум қилинмади.
Фожиадан сўнг авиашоу ташкилотчилари кейинги барча тадбирларни бекор этишга қарор қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)