Замон билан ҳамнафас, долзарб ғоялар, илғор қизиқишларни акс эттирувчи тадбирларнинг яна бири Business Compass ўқув маркази жамоаси томонидан 22 январь куни шаҳримизнинг «Пойтахт» бизнес-марказида ўтказилди.
Бугунги кунда тобора оммабоп бўлиб бораётган, маълумот етказиш, улашиш ва алмашишда энг самарали усуллардан бири бўлиб ҳисобланадиган семинар-тренинглар Business Compass бизнес-мактаби фаолиятининг ажралмас қисми бўлиб улгурди.
Бўлиб ўтган очиқ семинар «Лидерлик сари тўрт қадам. Бизнес қуриш ва уни бошқариш» мавзусига бағишланган бўлиб, ижроси жараёнида ўзи ва атрофидагиларнинг нафақат моддий, балки маънавий ҳаётини ўзгартириш иштиёқида юрган инсонлар учун ҳақиқий тажриба майдончасига айланди, десак муболаға бўлмайди.
Семинар дастури бошида ташкилотчилар Business Compass’нинг фаолияти тарихи, мақсади, амалга оширилаётган ва келажакдаги режалари ҳақида йиғилганларга маълумот бериб ўтди.
Асосий қисм спикер, ёш ва иқтидорли тадбиркор, Икромжон Тожиддинов томонидан очиб берилди.
Танланган мавзуни ёритиб бериш жараёни кутилмаган совғаларсиз ўтмади. Бизнесда жамоани тўғри танлашнинг роли ва аҳамиятини яққол намоён этиш мақсадида уюштирилган ривожлантирувчи ўйинлар иштирокчилар орасидаги масофа ва чегараларни олиб ташлаб, ҳамкорлик истагида бўлган бизнес ғоя эгаларининг мулоқот қилишлари учун қулай имкониятларни яратиб берди.
Маълумот етказиш ва қабул қилиш самарадорлиги мавзуга доир видеолавҳалар, ҳаракатли машғулотлар, ақлий ҳужумлар билан таъминланди.
Асосий урғу ўз мақсади йўлида тинмасдан ҳаракат қилиш ва унга эришиш ғоясига берилган тренинг дастури сўнгида Business Compass таълим дастури ажойиб туҳфа тақдим этди. Қуръа ташлаш йўли билан совриндорларни танлаб олишга асосланган викторина ўз бизнесини бошлаш ва мавжуд бизнесини ривожлантириш имкониятини берувчи Business Compass бизнес мактабига 3 та йўлланма ўз омадли эгаларини топишда восита вазифасини бажарди.
Етти соат давом этган семинар сўнгида спикер Икромжон Тожиддинов барча саволларга тўлиқ жавоб берди.
Ўз устида ишлашдан чарчамаётган иштирокчилар семинарга доир таклиф ва мулоҳазаларини сўровномалар орқали тақдим этди.
Business Compass бизнес-мактаби ҳақидаги батафсил маълумотларни www.compass.uz сайтидан олишингиз мумкин.
Олдин хабар берганимиздек, Business Compass ўқув маркази расмий очилиши мазкур йилнинг январь ойида бўлиб ўтди.
Бизни ижтимоий тармоқлардаги саҳифаларимизда кузатиб боринг:
https://www.facebook.com/businesscompass1/?ref=br_rshttps://www.instagram.com/businesscompass/https://t.me/business_compass
Манзилимиз: Тошкент шаҳар, Чилонзор туманиEuroasia Insurance бизнес-маркази, 3-қават, 300-хона.Мўлжал: «Мирзо-Улуғбек» метроси «Бунёдкор» стадиони.
Мурожаат учун телефонлар:2002772+99897 770 67 99+99897 707 36 61
Реклама ҳуқуқи асосида
Изоҳ (0)