Самарқанд шаҳридаги Ўзбекистон Биринчи Президенти Ислом Каримов дафн этилган ҳудудда ёдгорлик мажмуаси барпо этилади.
Бу Ўзбекистон Президенти Шавкат Мирзиёев томонидан 25 январь куни имзоланган «Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида»ги қарорда белгилаб қўйилган.
Ёдгорлик мажмуасини барпо этиш вазифаси Маданият ва спорт ишлари вазирлиги, Молия вазирлиги, Давлат архитектура ва қурилиш қўмитаси, Ўзбекистон Бадиий академияси ва Самарқанд вилояти ҳокимлигига юклатилган.
Аввалроқ Ўзбекистонда ҳар йили Ислом Каримов таваллуд топган сана (30 январь) мамлакат бўйлаб кенг нишонланиши, Биринчи Президент вафот этган сана (2 сентябрь) эса Хотира куни сифатида ёд этилиши ҳақида хабар берилган эди.
Бундан ташқари, Шавкат Мирзиёевнинг 25 январдаги қарорига мувофиқ, Тошкент халқаро аэропорти, Асакадаги автозавод, мамлакат бўйлаб марказий кўчалар ва бошқа қатор объектларга Ислом Каримов номи берилиши маълум бўлди.Мазкур қарор «халқимизнинг самимий тилаклари ва хоҳиш-иродасидан келиб чиқиб, она Ватанимиз мустақиллиги, эл-юртимиз равнақи йўлидаги буюк тарихий хизматларини инобатга олиб, Ўзбекистоннинг Биринчи Президенти, Ўзбекистон Қаҳрамони Ислом Абдуғаниевич Каримовнинг ёрқин хотирасини абадийлаштириш мақсадида» қабул қилинган.Ўзбекистон Биринчи Президенти Ислом Каримов 2016 йил 2 сентябрь куни вафот этган эди. У 3 сентябрь куни Самарқанднинг Ҳазрати Ҳизр масжидидаги қадимий қабристонга дафн этилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)