Zamon bilan hamnafas, dolzarb g‘oyalar, ilg‘or qiziqishlarni aks ettiruvchi tadbirlarning yana biri Business Compass o‘quv markazi jamoasi tomonidan 22-yanvar kuni shahrimizning “Poytaxt” biznes-markazida o‘tkazildi.
Bugungi kunda tobora ommabop bo‘lib borayotgan, ma’lumot yetkazish, ulashish va almashishda eng samarali usullardan biri bo‘lib hisoblanadigan seminar-treninglar Business Compass biznes-maktabi faoliyatining ajralmas qismi bo‘lib ulgurdi.
Bo‘lib o‘tgan ochiq seminar “Liderlik sari to‘rt qadam. Biznes qurish va uni boshqarish” mavzusiga bag‘ishlangan bo‘lib, ijrosi jarayonida o‘zi va atrofidagilarning nafaqat moddiy, balki ma’naviy hayotini o‘zgartirish ishtiyoqida yurgan insonlar uchun haqiqiy tajriba maydonchasiga aylandi, desak mubolag‘a bo‘lmaydi.
Seminar dasturi boshida tashkilotchilar Business Compass’ning faoliyati tarixi, maqsadi, amalga oshirilayotgan va kelajakdagi rejalari haqida yig‘ilganlarga ma’lumot berib o‘tdi.
Asosiy qism spiker, yosh va iqtidorli tadbirkor, Ikromjon Tojiddinov tomonidan ochib berildi.
Tanlangan mavzuni yoritib berish jarayoni kutilmagan sovg‘alarsiz o‘tmadi. Biznesda jamoani to‘g‘ri tanlashning roli va ahamiyatini yaqqol namoyon etish maqsadida uyushtirilgan rivojlantiruvchi o‘yinlar ishtirokchilar orasidagi masofa va chegaralarni olib tashlab, hamkorlik istagida bo‘lgan biznes g‘oya egalarining muloqot qilishlari uchun qulay imkoniyatlarni yaratib berdi.
Ma’lumot yetkazish va qabul qilish samaradorligi mavzuga doir videolavhalar, harakatli mashg‘ulotlar, aqliy hujumlar bilan ta’minlandi.
Asosiy urg‘u o‘z maqsadi yo‘lida tinmasdan harakat qilish va unga erishish g‘oyasiga berilgan trening dasturi so‘ngida Business Compass ta’lim dasturi ajoyib tuhfa taqdim etdi. Qur’a tashlash yo‘li bilan sovrindorlarni tanlab olishga asoslangan viktorina o‘z biznesini boshlash va mavjud biznesini rivojlantirish imkoniyatini beruvchi Business Compass biznes maktabiga 3 ta yo‘llanma o‘z omadli egalarini topishda vosita vazifasini bajardi.
Yetti soat davom etgan seminar so‘ngida spiker Ikromjon Tojiddinov barcha savollarga to‘liq javob berdi.
O‘z ustida ishlashdan charchamayotgan ishtirokchilar seminarga doir taklif va mulohazalarini so‘rovnomalar orqali taqdim etdi.
Business Compass biznes-maktabi haqidagi batafsil ma’lumotlarni www.compass.uz saytidan olishingiz mumkin.
Oldin xabar berganimizdek, Business Compass o‘quv markazi rasmiy ochilishi mazkur yilning yanvar oyida bo‘lib o‘tdi.
Bizni ijtimoiy tarmoqlardagi sahifalarimizda kuzatib boring:
https://www.facebook.com/businesscompass1/?ref=br_rshttps://www.instagram.com/businesscompass/https://t.me/business_compass
Manzilimiz: Toshkent shahar, Chilonzor tumaniEuroasia Insurance biznes-markazi, 3-qavat, 300-xona.Mo‘ljal: “Mirzo-Ulug‘bek” metrosi “Bunyodkor” stadioni.
Murojaat uchun telefonlar:2002772+99897 770 67 99+99897 707 36 61
Reklama huquqi asosida
Izoh (0)