Футбол бўйича Испания Ла лигасида 18-тур беллашувлари старт олди.
Бир тур аввал «Вильярреал» билан 1:1 ҳисобида дуранг ўйнаган ва натижада 2 очко бой берган Каталониянинг «Барселона» клуби, бу сафар ўз майдонида «Лас-Пальмас»га имконият қолдирмади — 5:0.
Мазкур ғалаба Луис Энрике жамоасини турнир жадвалида 2-ўринга олиб чиқди. «Севилья» бу фарқни йўққа чиқариши учун бугун — 15 январь куни «Қироллик клуби»ни мағлуб этиши керак бўлади. Қайд этиш керак, томонларнинг Испания кубоги доирасида «Севилья» майдонида кечган ўйинида 3:3 ҳисоби қайд этилганди.
Мазкур турда Мадриднинг бошқа бир клуби «Атлетико» минимал ғалабага эришди. Николас Гайтаннинг голи Диего Симеоне жамоасига 3 очко тақдим этди.
Тўпурурлар пойгасида Луис Суарес ва Лионель Месси 14 тадан гол билан қўшҳокимликни юзага келтирган. Суарес шунча гол уриш учун 17 та ўйинда иштирок этган, Мессига эса 15 та беллашув кифоя қилган. Аргетиналик ҳужумчи голларининг 2 тасини пенальтидан урган.
Криштиану Роналду ва «Сельта» аъзоси Яго Аспас ҳисобида 11 тадан гол бор. Қайд этиш керак, Роналду ортда қолган турлар давомида 12 та учрашувда иштирок этганди ва 3 та пенальтини голга айлантирган.
Испания Ла лигаси 18-тур беллашувлари 14 январь, шанба
«Леганес» — «Атлетик» 0:0
«Барселона» — «Лас-Пальмас» 5:0
Голлар: Луис Суарес, 14 (1:0). Лионель Месси, 52 (2:0). Луис Суарес, 57 (3:0). Арда Туран, 59 (4:0). Алейш Видаль, 80 (5:0).«Атлетико» — «Бетис» 1:0
Гол: Николас Гайтан, 9 (1:0).«Депортиво» — «Вильярреал» 0:0
15 январь, якшанба«Валенсия» — «Эспаньол»«Сельта» — «Алавес»«Гранада» — «Осасуна»«Спортинг» — «Эйбар»«Севилья» — «Реал Мадрид»16 январь, душанба«Малага» — «Реал Сосьедад»
Изоҳ (0)