Futbol bo‘yicha Ispaniya La ligasida 18-tur bellashuvlari start oldi.
Bir tur avval “Vilyarreal” bilan 1:1 hisobida durang o‘ynagan va natijada 2 ochko boy bergan Kataloniyaning “Barselona” klubi, bu safar o‘z maydonida “Las-Palmas”ga imkoniyat qoldirmadi — 5:0.
Mazkur g‘alaba Luis Enrike jamoasini turnir jadvalida 2-o‘ringa olib chiqdi. “Sevilya” bu farqni yo‘qqa chiqarishi uchun bugun — 15-yanvar kuni “Qirollik klubi”ni mag‘lub etishi kerak bo‘ladi. Qayd etish kerak, tomonlarning Ispaniya kubogi doirasida “Sevilya” maydonida kechgan o‘yinida 3:3 hisobi qayd etilgandi.
Mazkur turda Madridning boshqa bir klubi “Atletiko” minimal g‘alabaga erishdi. Nikolas Gaytanning goli Diyego Simeone jamoasiga 3 ochko taqdim etdi.
To‘pururlar poygasida Luis Suares va Lionel Messi 14 tadan gol bilan qo‘shhokimlikni yuzaga keltirgan. Suares shuncha gol urish uchun 17 ta o‘yinda ishtirok etgan, Messiga esa 15 ta bellashuv kifoya qilgan. Argetinalik hujumchi gollarining 2 tasini penaltidan urgan.
Krishtianu Ronaldu va “Selta” a’zosi Yago Aspas hisobida 11 tadan gol bor. Qayd etish kerak, Ronaldu ortda qolgan turlar davomida 12 ta uchrashuvda ishtirok etgandi va 3 ta penaltini golga aylantirgan.
Ispaniya La ligasi 18-tur bellashuvlari 14-yanvar, shanba
“Leganes” — “Atletik” 0:0
“Barselona” — “Las-Palmas” 5:0
Gollar: Luis Suares, 14 (1:0). Lionel Messi, 52 (2:0). Luis Suares, 57 (3:0). Arda Turan, 59 (4:0). Aleysh Vidal, 80 (5:0).“Atletiko” — “Betis” 1:0
Gol: Nikolas Gaytan, 9 (1:0).“Deportivo” — “Vilyarreal” 0:0
15-yanvar, yakshanba“Valensiya” — “Espanyol”“Selta” — “Alaves”“Granada” — “Osasuna”“Sporting” — “Eybar”“Sevilya” — “Real Madrid”16-yanvar, dushanba“Malaga” — “Real Sosyedad”
Izoh (0)