Ўзбекистон термасининг ЖЧ—2018 йўлидаги рақиби Эрон бош мураббийи Карлуш Кейруш истеъфога чиқиши ҳақида маълум қилган бўлса-да, мамлакат футбол федерацияси президенти Меҳди Таж португалиялик мутахассис фаолиятини давом эттириши ҳақида баёнот берганди.
Истеъфо аризаси рад этилгач, Карлуш Кейруш Facebook саҳифаси орқали эронлик футбол мухлисларига мурожаат қилди ва вазиятни тушунтирди. Бу ҳақда ЎФФ матбуот хизмати хабар берди. Маълум бўлишича, Карлуш Кейруш ўз аризасида Эрон футбол федерациясидан товон пули талаб қилмасликка сўз берганди.
Мураббий ва федерация ўртасидаги зиддият терма жамоага номзод футболчилар Дубайда йиғин ўтказаётган бир вақтга тўғри келди. Терма лагерини бир эмас, етти нафар футболчи тарк этиб, Бранко Иванкович мураббийлик қиладиган «Персиполис» клуби сафига жўнаб кетганди. Натижада Кейруш тайёргарлик режасини кўнгилдагидек якунлай олмаган.
Кейруш баёнотида қайд этилишича, Эрон футбол федерацияси ЖЧ—2018 саралаш босқичи учун тузиб чиқилган тайёргарлик режасини амалга оширишга шароити йўқлигини маълум қилган. Ваколати бўлмагани учун ҳам «Персиполис» сафига жўнаб кетган етти нафар футболчини ортга қайтара олмаган. Бу эса Карлуш Кейрушнинг ҳафсаласини пир қилган.
Ривожланиш учун шароит йўқлиги сабабли мен Эрон термасининг келажаги ва жаҳон чемпионатига чиқиш йўлидаги муаммолари ҳақида профессионал муносабатимни билдирдим. Истеъфо ҳақида аризани тақдим этганимдан сўнг, федерациядан расмий рад жавобини олдим.Карлуш Кейруш, Эрон термаси бош мураббийи
Португалиялик мутахассиснинг қайд этишича, аризаси рад этилгани ва фаолиятини Эронда давом эттириши унга қўшимча масъулият юклайди. Ташкилот бу қарорга Кейрушнинг профессионал ва терма жамоасига садоқатли бўлгани учунгина келган.
Бранко Иванкович ва бир қатор спорт агентларининг доимий қаршилиги туфайли мамлакат футболи нуфузини оширган тайёргарлик режаси ўз якунига етди. Бу режа Эрон термасини саралашнинг ҳал қилувчи босқичида пешқадамга айлантирганди.Маълумот учун, Эрон терма жамоаси саралаш босқичида Ўзбекистон билан бир гуруҳдан жой олган бўлиб, бирорта ҳам ўйинда мағлуб бўлмаган ва ўз дарвозасидан 1 та ҳам гол ўтказиб юбормаганди. Бу натижа эса терма жамоани гуруҳ етакчисига айлантирган. Кейрушнинг сўзларига кўра, қолганига федерациясининг ўзи бор масъулиятни зиммасига олади.ЖЧ—2018 учун кураш олиб бораётган қолган мамлакатлардан фарқли равишда Эрон термасининг имкониятлари энди чегараланган. Биз фақатгина ФИФА кунларида ва фақатгина стандартлар асосида ўйинлар ўтказамиз, холос.
Мен ФИФА томонидан чеклаб қўйилган тайёргарлик режасини қўллаб-қувватламайман. Бу Эрон термаси натижасига салбий таъсир кўрсатишига ишонаман.
Карлуш Кейруш, Эрон термаси бош мураббийи
Бир нарсани аниқ қилиб айтмоқчиман. Тайёргарликнинг янги режаси бир томонлама қарор мевасидир. Уни Эрон футбол федерацияси раҳбарияти ва президенти қабул қилди ва бу борадаги барча жавобгарликни ўз зиммасига олди.Карлуш Кейруш, Эрон термаси бош мураббийи
Изоҳ (0)