O‘zbekiston termasining JCh—2018 yo‘lidagi raqibi Eron bosh murabbiyi Karlush Keyrush iste’foga chiqishi haqida ma’lum qilgan bo‘lsa-da, mamlakat futbol federatsiyasi prezidenti Mehdi Taj portugaliyalik mutaxassis faoliyatini davom ettirishi haqida bayonot bergandi.
Iste’fo arizasi rad etilgach, Karlush Keyrush Facebook sahifasi orqali eronlik futbol muxlislariga murojaat qildi va vaziyatni tushuntirdi. Bu haqda O‘FF matbuot xizmati xabar berdi. Ma’lum bo‘lishicha, Karlush Keyrush o‘z arizasida Eron futbol federatsiyasidan tovon puli talab qilmaslikka so‘z bergandi.
Murabbiy va federatsiya o‘rtasidagi ziddiyat terma jamoaga nomzod futbolchilar Dubayda yig‘in o‘tkazayotgan bir vaqtga to‘g‘ri keldi. Terma lagerini bir emas, yetti nafar futbolchi tark etib, Branko Ivankovich murabbiylik qiladigan “Persipolis” klubi safiga jo‘nab ketgandi. Natijada Keyrush tayyorgarlik rejasini ko‘ngildagidek yakunlay olmagan.
Keyrush bayonotida qayd etilishicha, Eron futbol federatsiyasi JCh—2018 saralash bosqichi uchun tuzib chiqilgan tayyorgarlik rejasini amalga oshirishga sharoiti yo‘qligini ma’lum qilgan. Vakolati bo‘lmagani uchun ham “Persipolis” safiga jo‘nab ketgan yetti nafar futbolchini ortga qaytara olmagan. Bu esa Karlush Keyrushning hafsalasini pir qilgan.
Rivojlanish uchun sharoit yo‘qligi sababli men Eron termasining kelajagi va jahon chempionatiga chiqish yo‘lidagi muammolari haqida professional munosabatimni bildirdim. Iste’fo haqida arizani taqdim etganimdan so‘ng, federatsiyadan rasmiy rad javobini oldim.Karlush Keyrush, Eron termasi bosh murabbiyi
Portugaliyalik mutaxassisning qayd etishicha, arizasi rad etilgani va faoliyatini Eronda davom ettirishi unga qo‘shimcha mas’uliyat yuklaydi. Tashkilot bu qarorga Keyrushning professional va terma jamoasiga sadoqatli bo‘lgani uchungina kelgan.
Branko Ivankovich va bir qator sport agentlarining doimiy qarshiligi tufayli mamlakat futboli nufuzini oshirgan tayyorgarlik rejasi o‘z yakuniga yetdi. Bu reja Eron termasini saralashning hal qiluvchi bosqichida peshqadamga aylantirgandi.Ma’lumot uchun, Eron terma jamoasi saralash bosqichida O‘zbekiston bilan bir guruhdan joy olgan bo‘lib, birorta ham o‘yinda mag‘lub bo‘lmagan va o‘z darvozasidan 1 ta ham gol o‘tkazib yubormagandi. Bu natija esa terma jamoani guruh yetakchisiga aylantirgan. Keyrushning so‘zlariga ko‘ra, qolganiga federatsiyasining o‘zi bor mas’uliyatni zimmasiga oladi.JCh—2018 uchun kurash olib borayotgan qolgan mamlakatlardan farqli ravishda Eron termasining imkoniyatlari endi chegaralangan. Biz faqatgina FIFA kunlarida va faqatgina standartlar asosida o‘yinlar o‘tkazamiz, xolos.
Men FIFA tomonidan cheklab qo‘yilgan tayyorgarlik rejasini qo‘llab-quvvatlamayman. Bu Eron termasi natijasiga salbiy ta’sir ko‘rsatishiga ishonaman.
Karlush Keyrush, Eron termasi bosh murabbiyi
Bir narsani aniq qilib aytmoqchiman. Tayyorgarlikning yangi rejasi bir tomonlama qaror mevasidir. Uni Eron futbol federatsiyasi rahbariyati va prezidenti qabul qildi va bu boradagi barcha javobgarlikni o‘z zimmasiga oldi.Karlush Keyrush, Eron termasi bosh murabbiyi
Izoh (0)