Испания кубоги. Зидан мураббий бўлган куннинг бир йиллигида «Реал» «Севилья» дарвозасига 3 та жавобсиз гол урди

Футбол бўйича Испания кубоги нимчорак финалидан жой олган яна 3 та учрашувга якун ясалди. Аввалроқ 4 та учрашув бўлиб ўтганди.

«Сантьяго Бернабеу» стадионида «Севилья»ни қабул қилган Мадриднинг «Реал» клуби йирик — 3:0 ҳисобида зафар қучди ва бир ҳафтадан кейин бўлиб ўтадиган жавоб ўйини олдидан чорак финал сари илк қадамни ташлади.

Беллашувда Хамес Родригес дубл қайд этишга муваффақ бўлди. Яна 1 та гол Рафаэль Варан ҳисобига ёзилди. Учрашувда Серхио Рамос, Гарет Бэйл, Карим Бензема, Криштиану Роналду каби «Реал»нинг етакчи футболчилари иштирок этмади.

Сан-Себастьян шаҳрида кечган «Реал Сосьедад» — «Вильярреал» ўйини мезбонларнинг 3:1 ҳисобидаги ғалабаси билан якун топди. Учрашув йирик ҳисобда якунига етиши ҳам мумкин эди. 77-дақиқага келиб «сариқ сув ости кемаси» бундан қутулиб қолди.

Бугун — 5 январь куни 1/8 финал доирасидаги сўнгги ўйинда «Барселона» сафарда «Атлетик»ка қарши саф тортади. Беллашув Тошкент вақти билан 6 январга ўтар кечаси 1:15 да старт олади.

Испания кубоги 1/8 финал 4 январь, чоршанба

«Реал Мадрид» — «Севилья» 3:0

«Реал Сосьедад» — «Вильярреал» 3:1

«Алькоркон» — «Кордоба» 0:0