«Бухоро» футбол клубининг бир қатор етакчи футболчилари 2017 йилги мавсумни янги жамоа сафида бошлайди. Бу ҳақда «Championat.asia» сайти хабар берди.
Жамоанинг футболчилар олдида қарздорлиги мавжуд. 2016 йилги мавсумда клубнинг асосий фигураси бўла олган ўйинчилар билан ҳалигача тўлиқ ҳисоб-китоб қилинмаган. Булар: Руслан Мелзиддинов, Александр Мерзляков, Шавкат Муллажонов, Шавкат Саломов, Саламат Қутибоев, Баҳодир Пардаев ва Азиз Ибрагимов.
Молиявий муаммолар ўз вақтида бартараф этилмаса, футболчилар «Бухоро»ни тарк этади. Аввалроқ клубнинг молдовалик легионери Вадим Чемиртан фаолиятини Тошкентнинг «Бунёдкор» клубида давом эттиришга қарор қилганди.Шавкат Саломов эса Малайзия клубида кўрикдан ўтмоқда. Кўрик муваффақиятли якунланса, у фаолиятини Шарқий Осиёда давом эттиради.
Маълумот учун, «Бухоро» 2016 йилги мавсумни кучли тўртликда якунлашга муваффақ бўлган, Ўзбекистон кубогида эса ярим финалга қадар етиб борганди.
Изоҳ (0)