Ироқда 2016 йил давомида рўй берган турли қўпорувчилик ҳаракатлари, тўқнашувлар ва зўравонлик оқибатида 7 мингга яқин фуқаро ҳалок бўлди. Бу ҳақда БМТнинг Ироққа кўмак бериш бўйича миссияси баёнот берди, деб хабар қилади «ТАСС».
«2016 йилда миссия жами 19,266 нафар жабрланганлар ва қурбонларни қайд этди. Гап 6,878 қурбон ва 12,388 ярадор ҳақида кетмоқда», — дейилади баёнотда.
Қайд қилинишича, миссия ҳисоботида 2016 йил май, июль, август ва декабрь ойларида Анбар вилоятида кузатилган зўравонлик бўйича рақамлар акс этмаган.
Изоҳ (0)