Америкаликларнинг қарийб ярми АҚШнинг сайланган президенти Дональд Трампнинг етакчилик фазилатларига ишонмаяпти. Бу ҳақда Gallup жамоатчилик фикри институти ўтказган сўров натижалари гувоҳлик бермоқда, деб ёзади «РБК».
Трампнинг халқаро инқирозни эплай олишига сўровда қатнашганларнинг 46 фоизи, у мамлакат қуролли кучларини оқиллик билан бошқаришига эса 47 фоизи ишонч билдирди. Республикачи ўз маъмуриятида можаролари чиқишига йўл қўймаслигига иштирокчиларнинг 44 фоизи ишонади.
Тадқиқотда таъкидланишича, Барак Обама, Кичик Жорж Буш ва Билл Клинтоннинг президентлик фазилатларига сўралганларнинг камида ўн нафардан етти нафари ишонган.
Шу билан бирга, 60 фоиз респондентлар Трамп конгресс билан самарали ишлай олади деб, 59 фоизи эса сайланган президент миллий иқтисодиётни самарали бошқара олади деб ҳисоблайди.
Изоҳ (0)