«Реал» ҳужумчиси Криштиану Роналдунинг агенти Жорже Мендеш унинг мижозига Хитойдан таклиф бўлганини айтди, деб хабар бермоқда «Чемпионат». Хитойликлар 31 ёшли футболчининг трансфери учун 300 миллион, унинг ўзига эса йилига 100 миллион евро маош таклиф қилди.
Лекин пул асосийси эмас. ‘Реал’ – бу унинг ҳаёти.Қайд этиш жоиз, тўрт карра «Олтин тўп» соҳиби Роналду ноябрь ойида мадридликлар билан келишуви муддатини 2021 йилгача узайтирганди. Унинг йиллик маоши 20 миллион евро қилиб белгиланган.Жорже Мендеш, футбол агенти
Аввалроқ Хитой клубларидан бири «Барселона» етакчиси Лионель Мессига солиқлардан ташқари йилига соф 100 миллион евро ваъда қилганди.
Мессидан кейин эса Хитой ҳукуматининг ўзи Златан Ибраҳимовичга йилига 120 миллион евро таклиф қилгани ҳақида хабар берилганди.
Таққослаш учун, жаҳоннинг энг сердаромад футболчисига айланган Карлос Тевеснинг йиллик маоши 38 миллион еврони ташкил этади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)