Мадриднинг «Реал» жамоаси ҳужумчиси Криштиану Роналду Буюк Британиянинг The Guardian нашри талқини бўйича 2016 йилнинг энг яхши 100 футболчиси рўйхатида етакчилик қилди.
Нашр версияси бўйича иккинчи ўринни «Барселона» етакчиси Лионель Месси, учинчи ўринни эга каталонияликларнинг яна бир ҳужумчиси – Луис Суарес эгаллади.
Кучли ўнликка, шунингдек, тегишли равишда Антуан Гризманн («Атлетико»), Неймар («Барселона»), Гарет Бэйл («Реал»), Роберт Левандовски («Бавария»), Пьер-Эмерик Обамеянг («Боруссия» Дортмунд), Алексис Санчес («Арсенал») ва Рияд Маҳрез («Лестер Сити») кирди.
The Guardian талқини бўйича энг яхши футболчилар рейтинги 45 мамлакатдан 124 нафар экспертнинг овози ёрдамида аниқланди.
Аввалроқ 31 ёшли футболчи Италиянинг La gazzetta dello Sport ва Испаниянинг Marca нашри томонидан ЕЧЛнинг ўтган мавсумдаги энг яхши футболчиси деб топилганди. Бундан ташқари, Роналду Британиянинг Daily Mail нашри томонидан дунёнинг энг яхши футболчиси деб тан олинган эди.
Эслатиб ўтамиз, 2015/16 йилги мавсумда «Реал» билан ЕЧЛ ғолиби, Португалия термаси билан эса Евро–2016 чемпионига айланган Криштиану Роналду France Football нашри томонидан йилнинг энг яхши футболчисига бериладиган «Олтин тўп» мукофоти билан тақдирланганди.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)