АҚШ Давлат департаменти Россия ҳукуматини «бугуноқ» нотижорат ташкилотлар-чет эл агентлари ҳақидаги қонунни бекор қилиб, инсон ҳуқуқлари соҳасида халқаро меъёрларга риоя қилиш бўйича аввалроқ бўйнига олган мажбуриятларга содиқ қолишга чақирди, деб ёзади «Ведомости».
Муассасанинг унинг вакили Жон Кирби томонидан тузилган баёноти ҳисоб бўйича 150-нотижорат ташкилоти 19 декабрь куни хорижий агентлар рўйхатига киритилгани билан боғлиқдир. Буни Кирби «машъум ҳодиса» деб атади.
Давлат департаментидагилар «хорижий агент» термини ушбу нотижорат ташкилотлар сотқин деган таассурот уйғотиш учун атайлаб танланган, деб ҳисоблайди. «Аслида ушбу қонундан фойдаланиб, Россия давлати қийноқларга қарши кураш, ОИВ-инфекциялар тарқалишига қарши профилактика ва ҳатто кўчманчи қушлар ҳимояси билан шуғулланган ташкилотларни таъқиб қилган», — дейилади баёнотда.
Давлат департаменти Россияни ушбу қонунни бекор қилишга чақирди, чунки у Россия халқи фуқаролик жамиятининг ҳукумат хатти-ҳаракатлари юзасидан ҳисоб берилиши учун курашдаги ролини ҳурмат қилиб, нотижорат ташкилотларнинг муҳим ишларини бўғмасликка интиладиган кучли ва демократик ҳукуматга эга бўлишга ҳақли деб ҳисоблайди.
Изоҳ (0)