Космонавтлар орбитада қандай таомларни тановул қилишидан хабарингиз борми? AdMe космик таом нима эканлиги ва дунёнинг энг яхши ошпазлари қандай қилиб астронавтларни қойил қолдиришини аниқлади.
Россия
Бирюлёвский тажриба заводи Россияда космонавтлар учун таомлар чиқарувчи ягона расмий ишлаб чиқарувчидир. Биринчи бўлиб космосда Юрий Гагарин овқатланган. Унинг нонуштаси 160 граммлик учта: иккита гўштли ва битта шоколадли тюбикдан иборат бўлган.
Бугунги кунда россиялик космонавтлар нонуштага бўтқа ва творог тановул қилади. Халқаро космик станцияда творог учун навбатда туришади. Бошқа мамлакатлар космонавтлари ҳам бу мазали егуликни хуш кўради.
Творог, борш, гўштли пюре ва қайлали гўшт. Космик таомларга алоҳида талаблар қўйилади: улар енгил, орбитада тайёрлаш учун осон ва ўзидан кейин чиқит қолдирмаслиги керак.
Тюбиклардаги ёзувларга қарамасдан, уларда спиртли ичимлик эмас, борш бор. Россиялик космонавтлар америкалик ҳамкасбларини ана шундай совғалар билан ҳайрон қолдирган эди.
Россиялик космонавтлар Ердан мева ва сабзавотларни ҳам қабул қилиб олади. ХКСда улар 300 га яқин таом ва маҳсулотлардан ўзига маъқулини танлаши мумкин. Турли мамлакатлар космонавтлари бир-бирининг модулига тушлик ва кечки таомга ташриф буюриб туради ва бошқа мамлакатларнинг таомларини татиб кўради. Ҳар якшанба эса биргаликда тушлик қилади.
АҚШ
Гўшт ва қайлали макаронлар. Таомни ейишдан аввал унга сув қўшиш кифоя. Америка таомларининг аксарияти вакуум ўрамда бўлиб, уларни юбориш, микротўлқинли печда иситиш ва совуткичда сақлаш осон.
Креветкалардан тайёрланган салат-коктейль. Вакуум ўрам туфайли космик таомлар барча фойдали хусусиятлари ва витаминларини ўзида сақлайди. Космонавтлар орбитада албатта кальцийга бой маҳсулотларни истеъмол қилади.
Бекон бўлаги — орбитадаги севимли таом
Бургер куни шарафига ХКСда тайёрланган бургер аналоги
Италия
Европа космик агентлиги космонавтларни ХКСга юборар экан, улар учун миллий ошхона таомларидан ташкил топган махсус менюни тузиб чиқади.
Кўп йиллар давомида космонавтлар бир зумда тайёр бўлувчи қаҳвани мазалироғига алмаштиришни сўраб келди. Вазиятни италиялик астронавтлар ўзгартирди. Улар орбитага Lavazza ва Agrotec қаҳва компаниялари томонидан тайёрланган вазнсизлик шароити учун мўлжалланган махсус қаҳва қайнатадиган қурилмани олиб чиқди.
ХКСда Италия куни. Миссия муваффақиятли якунланганлиги шарафига космонавтларга итальянча зиёфат — зайтун, қуритилган томат, қайлали феттучини пастаси ва ризотто берилди.
Жанубий Корея
Кимчи — корейсларнинг энг тансиқ таоми. Бу қизил гармдори, пиёз, саримсоқ ва занжабил қўшилган тузланган карамдир.
Маринадланган гўшт, угра ва газаклар — уларнинг барчаси космосга саёҳат қилишни енгил ўтказади.
Хитой
Бу «Ой печеньеси» Ойдаги миссия учун махсус тайёрланган. Хитойда ҳар бир миссия учун алоҳида меню ишлаб чиқилади.
Қуритилган мевалар — космонавтларнинг севимли егулиги
Япония
Япониялик космонавт уграни таёқчалар ёрдамида ейишга киришмоқда. Япониялик астронавтларнинг энг оммабоп таомлари суши, угра, желе ва гуручли шарчалардир.
Соя қайлали таъмга эга сабзавотли угра
Олма, сабзи ва цитрус мевалардан тайёрланган пюре
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)