Kosmonavtlar orbitada qanday taomlarni tanovul qilishidan xabaringiz bormi? AdMe kosmik taom nima ekanligi va dunyoning eng yaxshi oshpazlari qanday qilib astronavtlarni qoyil qoldirishini aniqladi.
Rossiya
Biryulyovskiy tajriba zavodi Rossiyada kosmonavtlar uchun taomlar chiqaruvchi yagona rasmiy ishlab chiqaruvchidir. Birinchi bo‘lib kosmosda Yuriy Gagarin ovqatlangan. Uning nonushtasi 160 grammlik uchta: ikkita go‘shtli va bitta shokoladli tyubikdan iborat bo‘lgan.
Bugungi kunda rossiyalik kosmonavtlar nonushtaga bo‘tqa va tvorog tanovul qiladi. Xalqaro kosmik stansiyada tvorog uchun navbatda turishadi. Boshqa mamlakatlar kosmonavtlari ham bu mazali yegulikni xush ko‘radi.
Tvorog, borsh, go‘shtli pyure va qaylali go‘sht. Kosmik taomlarga alohida talablar qo‘yiladi: ular yengil, orbitada tayyorlash uchun oson va o‘zidan keyin chiqit qoldirmasligi kerak.
Tyubiklardagi yozuvlarga qaramasdan, ularda spirtli ichimlik emas, borsh bor. Rossiyalik kosmonavtlar amerikalik hamkasblarini ana shunday sovg‘alar bilan hayron qoldirgan edi.
Rossiyalik kosmonavtlar Yerdan meva va sabzavotlarni ham qabul qilib oladi. XKSda ular 300 ga yaqin taom va mahsulotlardan o‘ziga ma’qulini tanlashi mumkin. Turli mamlakatlar kosmonavtlari bir-birining moduliga tushlik va kechki taomga tashrif buyurib turadi va boshqa mamlakatlarning taomlarini tatib ko‘radi. Har yakshanba esa birgalikda tushlik qiladi.
AQSh
Go‘sht va qaylali makaronlar. Taomni yeyishdan avval unga suv qo‘shish kifoya. Amerika taomlarining aksariyati vakuum o‘ramda bo‘lib, ularni yuborish, mikroto‘lqinli pechda isitish va sovutkichda saqlash oson.
Krevetkalardan tayyorlangan salat-kokteyl. Vakuum o‘ram tufayli kosmik taomlar barcha foydali xususiyatlari va vitaminlarini o‘zida saqlaydi. Kosmonavtlar orbitada albatta kalsiyga boy mahsulotlarni iste’mol qiladi.
Bekon bo‘lagi — orbitadagi sevimli taom
Burger kuni sharafiga XKSda tayyorlangan burger analogi
Italiya
Yevropa kosmik agentligi kosmonavtlarni XKSga yuborar ekan, ular uchun milliy oshxona taomlaridan tashkil topgan maxsus menyuni tuzib chiqadi.
Ko‘p yillar davomida kosmonavtlar bir zumda tayyor bo‘luvchi qahvani mazalirog‘iga almashtirishni so‘rab keldi. Vaziyatni italiyalik astronavtlar o‘zgartirdi. Ular orbitaga Lavazza va Agrotec qahva kompaniyalari tomonidan tayyorlangan vaznsizlik sharoiti uchun mo‘ljallangan maxsus qahva qaynatadigan qurilmani olib chiqdi.
XKSda Italiya kuni. Missiya muvaffaqiyatli yakunlanganligi sharafiga kosmonavtlarga italyancha ziyofat — zaytun, quritilgan tomat, qaylali fettuchini pastasi va rizotto berildi.
Janubiy Koreya
Kimchi — koreyslarning eng tansiq taomi. Bu qizil garmdori, piyoz, sarimsoq va zanjabil qo‘shilgan tuzlangan karamdir.
Marinadlangan go‘sht, ugra va gazaklar — ularning barchasi kosmosga sayohat qilishni yengil o‘tkazadi.
Xitoy
Bu “Oy pechenyesi” Oydagi missiya uchun maxsus tayyorlangan. Xitoyda har bir missiya uchun alohida menyu ishlab chiqiladi.
Quritilgan mevalar — kosmonavtlarning sevimli yeguligi
Yaponiya
Yaponiyalik kosmonavt ugrani tayoqchalar yordamida yeyishga kirishmoqda. Yaponiyalik astronavtlarning eng ommabop taomlari sushi, ugra, jele va guruchli sharchalardir.
Soya qaylali ta’mga ega sabzavotli ugra
Olma, sabzi va sitrus mevalardan tayyorlangan pyure
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)