Айни пайтда Россия ҳар қандай агрессордан кучлироқдир, лекин бу туфайли бўшашмаслик керак. Бу ҳақда мамлакат раҳбари Владимир Путин баёнот берди, деб хабар қилади «Интерфакс».
«Бугунги кунда биз ҳар қандай тажовузкордан кучлироқмиз», — деди у мудофаа вазирлиги коллегиясининг кенгайтирилган йиғилишида.
«Шу билан бир пайтда, бир нарсага эътибор қаратмоқчи эдим. Агарда биз бир дақиқага бўшашсак ҳам, армия ёки флот модернизациясида, қўшинларни тайёрлашда битта жиддий узилиш бўлса ҳам, жаҳонда бўлаётган воқеаларни инобатга олиб айтишимиз мумкинки, вазият жуда тез ўзгаради», — қўшимча қилди у.
Изоҳ (0)