АҚШ махсус хизматлари 22 декабрь куни баёнот билан чиқиб, Нью-Йоркнинг бош майдони — Таймс-скверда Янги йил тантаналари ўтаётган пайтда терактлар содир этилиши таҳдиди мавжудлигидан огоҳлантирди. Бу ҳақда «ТАСС» хабар бермоқда.
Федерал қидирув бюроси, Нью-Йорк полиция бошқармаси ва АҚШ Миллий хавфсизлик вазирлиги жамоатчиликка қўшма мурожаат йўллади.
Баёнотда конкрет таҳдид юзасидан бирор аниқ маълумот йўқлиги тан олинди. Шунга қарамай, хавфсизлик кучлари Янги йил тантаналари ёлғиз ҳаракат қилувчи жиноятчилар ва экстремистлар нишонига айланиши мумкинлиги таъкидланмоқда.
«Ёлғиз бўрилар» томонидан содир этилган терактларга мисол тариқасида АҚШнинг Сан-Бернардино (Калифорния штати) ва Орландо (Флорида штати) шаҳарларида, шунингдек, Франциянинг Ницца шаҳрида амалга оширилган оммавий қотилликлар эсга олинди.
Изоҳ (0)