Конор Макгрегорга сув идишини улоқтирган UFC жангчиси Нейт Диас 50 минг доллар жаримага тортилди

АҚШнинг Невада штати Спорт комиссияси енгил вазн тоифасида ўз жангларини ўтказиб келаётган Мутлақ жангчилик чемпионати (UFC) жангчиси Нейт Диасни 50 минг доллар миқдорида жаримага тортди. Бу ҳақда «Оламспорт» хабар бермоқда.

Нейт Диас август ойида ирландиялик Конор Макгрегорга қарши жанг олдидан ташкил этилган матбуот анжуманида унга сув идишини улоқтиргани учун жаримага тортилди. Бундан ташқари, Диас умумий жамоат ишларига ҳам йўналтирилади.

Таъкидлаш жоиз, Макгрегор ва Диас ўртасидаги илк жанг 2016 йилнинг 5 март куни ўтказилган эди. Ўша жангда америкалик курашчи 2-раундда Макгрерогни бўғиш усули билан мағлубиятга учратган эди.

Жангчилар ўртасидаги реванш беллашуви 2016 йилнинг 20 август куни бўлиб ўтди. Мазкур жангда ирландиялик 5 раунд натижасига кўра ҳакамларнинг якдил қарори билан ғалаба қозонган эди.

Маълумот учун, 28 ёшли Макгрегор фаолиятини 2008 йилда бошлаган. Шу вақтгача у 23 та жанг ўтказиб, 20 тасида (17 тасида нокаут билан) зафар қучган ва 3 тасида мағлубиятга учраган.

• UFC чемпиони Конор Макгрегор боксчилик лицензиясини олди

• Макгрегор собиқ боксчи Флойд Мейвезер билан жанг учун 100 млн доллар ишлаб олмоқчи

• Флойд Мейвезер Конор Макгрегорни боплаб калака қилган кишига 10 минг доллар ваъда қилди