Ўз вақтида Тошкентнинг «Пахтакор» ва Бухоронинг «Бухоро» клублари шарафини ҳимоя қилган футболчи Наоя Шибамуранинг япон телевидениесида чиқиш қилгани ҳақида «Championat.asia» сайти маълумот берди.
Шибамура 2013 йилги мавсумни «Пахтакор» сафида бошлаб, унинг иккинчи даврасини «Бухоро»да ўтказганди. Ўзбекистон Олий Лигасига эса Латвиядаги фаолиятидан кейин етиб келган.
Япония телеканалидаги чиқишида Наоя ўзбекча урф-одатларга тўхталган. Бунда ош алоҳида ўрин тутганини орқа фондаги суратдан ҳам билиш мумкин. Унда «Пахтакор» футболчилари ош учун навбатда турганликлари акс этган бўлиб, уларнинг ортидан ит, мушук, қўй, сигир, ўрдак каби уй ҳайвонлари ҳам чизиб қўйилган.
今日のFoot!Fridayは、ヴァンフォーレ甲府の柴村直弥選手をゲストに迎え、柴村選手がプレイした海外での経験や感じた事を #UnpocoFoot と併せてお送りします!お見逃しなく! https://t.co/JPmiMf7Twx#Jsports_Foot pic.twitter.com/l7wJJOrq4b
— J SPORTS サッカー お知らせ専用 (@Jsports_Foot) November 25, 2016
Яна бир суратда эса Шибамуранинг Латвиядан Ўзбекистонга келгани, ундан эса Польшага йўл олганини тушуниш мумкин. Ўзбекистон байроғи остида эса Бухородаги тарихий обидалар акс этган.
背景と同化する石神D(笑)#ど根性マルコ pic.twitter.com/25AaA16IxV
— J SPORTS サッカー お知らせ専用 (@Jsports_Foot) November 25, 2016
Футболчи япон ТВсида чиқиш қилгани ҳақида ўзининг интернетдаги саҳифасида ҳам маълумот берган.
Маълумот учун, Ўзбекистон Олий Лигасида ҳозирда ҳам япониялик футболчи тўп суради. «Бунёдкор» вакили Сато Минори 3 мавсумдан буён «қалдирғочлар» шарафини ҳимоя қилади.
Орада у Японияга қайтиб, уйланди ва рафиқаси билан яна Тошкентга етиб келди.