Адрас – қўлда анъанавий жимжимадор нақшлар берилган ипак газлама.
Ўзбекистонда адрасни илгаридан яхши кўришади ва қадрлашади. Адрасдан чопонлар ва кўйлаклар, ҳаттоки, сумка ва безаклар ҳам тикишади. Лекин, Ғарб дизайнерлари ўзларининг коллекцияларини худди шу матодан илҳомланиб яратганини кўпчилик билмайди.
Биринчи бўлиб, Америкадаги Oscar de la Renta модалар уйи адрасга эътибор қаратди. Дизайнер нафис чизгилар ва ўзгача шарқона матони бирлаштириб, 2005 йилда кўплаб Голливуд юлдузларини ўзига мафтун этган коллекциясини яратди.
Бир неча йилдан сўнг эса, Balenciaga машҳур бренди адрасдан ўзининг Куз – 2007 коллекциясини намойиш қилди.
Айниқса, адраснинг Gucci Spring/Summer 2010 коллекциясида пайдо бўлиши, унинг жаҳон модасига жиддий ва мустаҳкам ўрнашиб олганини аниқ кўрсатди.
Ўзбекистонда яшаб, Европа дизайнерлари яратган кийимларга катта маблағ сарфлагандан кўра, ўзимиз ҳам адрасдан шахсий либосларимизни яратишимиз мумкин.
Изоҳ (0)