Агар сиз буюмларингиз ювилганидан кейин ҳам ўзининг ажойиб кўринишини сақлаб қолишини ва сизга узоқ вақт хизмат қилишини хоҳласангиз, қуйидаги маслаҳатларга амал қилинг.
Оқ рангли буюмлар рангини сақлаш
Оқ рангли буюмларни зангламайдиган идишда, 3 ош қошиқ майдаланган кир совун ва 3 ош қошиғида сода солиб, ярим соат давомида қайнатиб олинг. Шуни эсда тутингки, фақат доғи йўқ буюмларнигина қайнатиш мумкин.
Дастурхондаги ёғ доғларини кетказиш
Доғ янгилигида унинг устига шакар ўрнини босувчи кукундан сепиб қўйинг.
Сочиқдан пардоз бўёғини кетказиш
Хлорли оқартирувчи ва дезинфекция воситаларини сув билан аралаштиринг ва унга сочиқни бир неча дақиқа ивитиб қўйинг.
Жундан тайёрланган буюмларни оқартириш
Ювишдан олдин, 10 литр сувга 2 ош қошиқ ювиш воситасидан солиб, 2 соат ивитиб қўйинг. Жундан тайёрланган буюмлар илиқ сувда ювилади.
Рангли буюмларни ёрқинроқ қилиш
Ювиш вақтида, сувга 2-3 ош қошиқ туз солинг.
Иссиқ дазмол доғини кетказиш
Сарғайган жойни совуқ сувда ивитинг, сўнг хлорли оҳак эритмаси (1 стакан сувга 1 чой қошиқ ) билан артиб ташланг.
Ипак буюмлардаги доғларни кетказиш
Уларни хантал дамламасида ювинг ва нашатир спиртли ( 10 литр сувга 1 чой қошиқ ) сувда чайқаб олинг.
Изоҳ (0)