Арнолд Шварценеггер Франция президенти Франсуа Олландга мактуб йўллаб, уни иккинчи муддатга номзодини қўймаслик ҳақидаги қарори билан табриклади. Бу ҳақда «Интерфакс» хабар бермоқда.
«Франсуа, қабул қилинган қарор билан табриклайман. Сиз халқ ва атроф-муҳит чемпионисиз. Сизни яхши кўрамиз», — дейилади мактубда.
Шварценеггер ҳароратнинг глобал кўтарилишига қарши кураши билан танилган, у бутун дунёдаги ҳукуматларга углерод ташланмаларини камайтиришда кўмак берадиган R20 ташкилотига асос солган. 2014 йилда актёр иқлим бўйича анжуманга тайёргарлик чоғида Олланд билан шахсан танишганди.
Олдинроқ Франсуа Олланд Франциядаги бўлажак президентлик сайловларида ўз номзодини қўймаслигини маълум қилганди. Ҳозирда унинг рейтинги ўта пастлиги ва Олланд мамлакат тарихидаги энг хуш кўрилмаган президентга айланиш хавфи бунга сабаб бўлгани билдирилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)