Инҳа университетининг президенти Ўзбекистонга ташриф буюрди

Инҳа университетининг (Корея Республикаси) президенти Суня Чой Ўзбекистонга етиб келди, деб ёзади UzDaily.

Суня Чой Ўзбекистон Президенти сайловларида халқаро кузатувчи сифатида қатнашиш учун Ўзбекистонга келди.

Сайлов куни Инҳа университети президенти бир нечта сайлов участкалари, жумладан, Тошкент шаҳридаги Инҳа университети биносида жойлашган 105-сонли сайлов участкасига ташриф буюради.

Шунингдек, президент Суня Чой Тошкент шаҳридаги Инҳа университети ректори Сарвар Бобохўжаев билан учрашув ўтказади. Учрашув давомида томонлар икки олий таълим муассасаси ўртасида таълим соҳасидаги муносабатларни ривожлантириш ҳолати ва истиқболларини муҳокама қилади.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.