BMW, Daimler, Ford ва Volkswagen автоконцернларининг биргаликда лойиҳаси европалик электромобиль эгаларига қувват олиш вақтини сезиларли даражада қисқартириш ва сафар қилиш масофасини узайтириш имкониятини беради, деб ёзади «ТАСС».
Шунга ўхшаш лойиҳалар АҚШда аллақачон амалга оширилмоқда, аммо Европадаги янги станциялар улардан зарядловчи ускуналар қуввати бўйича ўзиб кетиши керак.
Энг бақувват DC Fast Chargers заряд қурилмалари электрокар батареясини 20 дақиқа ичида 80 фоизга зарядлаш имконини беради. Европа битими иштирокчилари эса заряд қурилмалари қувватини 7 баравар — 350 кВт гача оширмоқчи, бу заряд олиш вақтини 10 дақиқагача қисқартиради.
Қуввати оширилган илк заряд қурилмалари 2017 йилдаёқ пайдо бўлади; Европада 400 га яқин станция барпо этилади. 2020 йилга келиб, зарядлаш пунктлари сони ўн мингга етади.
Изоҳ (0)