Ўзбекистон Президенти сайлови куни, яъни, 4 декабрь санасида Тошкент автобусларидан фойдаланиш барча йўловчилар учун бепул бўлади. Бу ҳақда Тошкент шаҳар ҳокимлиги ахборот хизмати «Дарё»га маълум қилди.
Аввалроқ Тошкент метрополитени йўловчилар учун бепул хизмат кўрсатиши ҳақида хабар чиққанди.
4 декабрь куни Тошкент шаҳридаги барча йўналишлар бўйича қатновчи автобуслар ҳамда метро қатнови соат 05:00 дан бошланиши ва кун давомида йўловчиларга бепул хизмат кўрсатишини маълум қиламиз, деб ёзилган Тошкент шаҳар ҳокимлиги сайтида. Шу куни сайлов участкалари соат 06:00 дан бошлаб очиқ бўлади.
Маълумот учун, Тошкент шаҳар автобус йўналишлари ҳар куни 700 минг йўловчини ўз манзилига етказади. Шаҳар метрополитенидан эса кунига 200 мингга яқин йўловчи фойдаланади.
Изоҳ (0)