Ироқ ҳарбийлари Мосулдан жануби-шарқдаги шаҳарнинг чекка қисмида ИШИД террорчилик ташкилотининг етакчиларидан бири Абу Анас аш-Шишанийнинг ўлдирилганлигини маълум қилди. Бу ҳақда Iraq Akhbar портали маълум қилди, деб ёзади «РБК».
Абу Анас аш-Шишаний 26 ноябрь, шанба куни берилган авиазарба оқибатида йўқ қилинганлиги таъкидланмоқда. У билан бирга ИШИДнинг яна уч нафар жангариси йўқ қилинган.
Ироқнинг Мосулни террорчилардан озод қилиш бўйича операцияси 17 октябрь куни бошланган эди. Кейинроқ уларга шиаларнинг ҳарбийлашган гуруҳлари ва Туркия ҳам қўшилди. 1 ноябрь куни Ироқ армияси Мосулдаги Alkaramh давлат телеканали маҳаллий бўлимини қўлга олганлиги маълум бўлган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.