«Барселона» ва «Реал» клубларининг португалиялик собиқ футболчиси Луиш Фигунинг Мадрид шаҳридаги уйига ўғрилар тушиб, қимматбаҳо буюмларни ўғирлади. Бу ҳақда «Чемпионат» хабар бермоқда.
Хабарда таъкидланишича, Фигунинг уйидан қиймати 500 минг еврога тенг қимматбаҳо буюмлар ўғирланди. Тунаб кетилган нарсалар орасида 15 та соат ва заргарлик буюмлари бўлган.
Ўғрилик вақтида Фигу уйида бўлмаган. Собиқ футболчининг уйида ўрнатилган кузатув камераларида камида икки нафар жиноятчи бўлгани қайд этилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)