«Барселона» юлдузлари билан жилмайиб расмга тушган Жастин Бибер «Реал» сардори билан суратда маъюс кўринди

Испанияда концерт бераётган канадалик машҳур хонанда Жастин Бибер бўш вақтида Каталониянинг «Барселона» жамоаси футболчилари билан учрашиб, машғулот ўтагани ҳамда улар билан суратга тушгани ҳақида хабар берилганди.

Испаниядаги турнеси давомида хонанда Мадрид шаҳрида ҳам концерт беришни режалаштирган ва у ерга йўл олган. Мадриддаги чиқишидан сўнг Бибер «Реал» сардори Серхио Рамос билан учрашди.

Испаниялик ҳимоячи Жастин Бибер билан тушган суратини Twitter’даги саҳифасига юклади. Рамос билан суратда Бибер «Барселона» юлдузлари билан тушган суратидан анча маъюс кўринди. Бунга жамоаларнинг бир-бирига принципиал рақиб бўлгани ва Бибер «Барселона»га кўпроқ мухлислик қилиши мумкинлиги тахмин қилинди.

Бошқа тахминларга кўра, Рамос билан суратда хонанданинг концерт дастуридан кейинги чарчоқ аломатлари сезилган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.