Чехия президенти Милош Земан АҚШнинг янги сайланган президенти Дональд Трампнинг собиқ рафиқаси Иванага қўнғироқ қилиб, у АҚШнинг Прагадаги элчисига айланиш ҳақида билдирган фикрни қўллаб-қувватлади. Бу ҳақда президентнинг матбуот котиби Иржи Овчачек баёнот берди, деб хабар қилади «Интерфакс».
«Мен бундан жуда қувонар эдим», — деди Земан Ивана Трамп билан мулоқот чоғида.
«АҚШ Чехияга бундан яхшироқ элчи юбора олмайди», — қўшимча қилди у.
Асли чехиялик бўлган Ивана Трамп собиқ турмуш ўртоғига уни Прагага элчи сифатида йўллашни таклиф қилган эди.