Англия терма жамоасининг собиқ аъзоси, айни дамда MLS лигасининг «Нью-Йорк Сити» клубида тўп сураётган ярим ҳимоячи Фрэнк Лэмпард шартнома муддати якунлангач, клубни тарк этади. Бу ҳақда «ТАСС» хабар бермоқда.
38 ёшли футболчининг «Нью-Йорк Сити» клуби билан амалдаги келишуви 2017 йилнинг охиригача мўлжалланган. Лэмпард келгуси фаолиятини қаерда давом эттириши ҳақида маълумот берилмаган.
«‘Нью-Йорк Сити’даги фаолиятим охирлаб бормоқда. Сўнгги икки йилда кўрсатилган яхшилик ва далда учун барчага раҳмат айтмоқчиман. Бу ерда тўп суриш менга ёқди. Бундай катта клубда ва ажойиб шаҳарда ўйнаш имкониятидан миннатдорман», – деди Лэмпард.
Маълумот учун, Фрэнк Лэмпард 2001–2014 йиллар давомида Лондоннинг «Челси» клубини ҳимоя қилган. 2014–2015 йилги мавсумда у «Манчестер Сити»да тўп сурди. 2015–2016 йилги мавсумдан бошлаб эса ярим ҳимоячи «Нью-Йорк Сити»да тўп суриб келмоқда.
Изоҳ (0)