Москва полицияси 40 ёшли ишсиз эркакни қўлга олди, деб ёзади «Вести.ru».
У «Сбербанк»да кредит тўлаш ниятида банкомат орқали тўрт минг рублни нақдлаштирмоқчи бўлган. Аммо сўралган сумма ўрнига, банкомат эркакка 20 минг рубль чиқариб берган.
Эркак ўзини йўқотиб қўймасдан, жараённи такрорлаган. Натижада, банкоматнинг ишдан чиққанидан фойдаланиб, у қурилмадан 500 минг рубль чиқариб олган.
Гумонланувчи банкда кредит тўламоқчи бўлган вақтда қўлга туширилган. Ундан мамлакатни тарк этмаслик ҳақида тилхат олинди.