Аргентина терма жамоаси сардори Лионель Месси Бразилияга қарши (0:3) Жанубий Америка қитъасидан ЖЧ–2018 турнирига саралаш босқичи 11-туридан кейин ўз фикрлари билан ўртоқлашди, деб хабар бермоқда «Чемпионат».
«Аргентина терма жамоаси футболчилари фикрлаш шаклини ўзгартириши керак. Бош жойида бўлмаса, оёқлар ҳам қулоқ солмайди. Биз ушбу ёмон ҳолатдан чиқишимиз керак. Қийин рақибга қарши кураш олиб бордик. Бразилиянинг биринчи голигача ўйин тенг курашлар остида ўтди. Уларнинг иккинчи голи эса бизни қийин аҳволга солди. Аргентина адашиб қолди ва биз бунданда йирик ҳисобда мағлуб бўлишимиз мумкин эди. Жамоа ўз натижаларига боғлиқ бўлиб турибди, аммо энди очко йўқота олмаймиз», – деди Месси.
Айни дамда Бразилия терма жамоаси 24 очко билан пешқадамлик қилмоқда. Аргентина 16 очко билан 6-ўринни банд қилиб турибди.