Nokia компанияси йил охиригача иккита янги смартфонни тақдим этиши мумкин, деб ёзади «Hi-tech.mail.ru».
Инсайдерлар Weibo’да улардан бири — D1C моделининг рендерлари ва орқа корпуси суратларини эълон қилди. Дастлаб бу смартфон бўлиши тахмин қилинди, аммо қатор манбалар қурилма 13,8 дюймли экранга эга бўлишини таъкидлади.
Рендерларда одми ва ихчам дизайнга эга қурилма акс этган.
Орқа корпуснинг «жонли» суратлари эса смартфон ҳақиқатда йирик бўлишини кўрсатди, бироқ экран диагоналини аниқлаб бўлмади.
Аввалроқ AnTuTu бенчмаркида Nokia D1C хусусиятлари ҳақида маълумот пайдо бўлган эди. Унга кўра, қурилма 8 ядроли Qualcomm Snapdragon 430 чипсети, 3 Гб тезкор ва 32 Гб доимий хотира, 13 мегапикселли асосий ва 8 мегапикселли олд камерага эга бўлади, Android 7.0 Nougat операцион тизимида ишлайди.
Изоҳ (0)