2016—2017 йилги қиш-баҳор мавсуми учун Ўзбекистонда қишлоқ хўжалик маҳсулотлари асосий турларидан иборат 660 минг тонналик захира яратиш режалаштирилмоқда, деб ёзади «Газета.uz» «Ўзбекозиқовқатзахира» уюшмаси раиси Зафар Файзиевга таяниб.
«Бу 175 минг тонна картошка, 139 минг тонна пиёз, 46 минг тонна бошқа сабзавотлар ва 105,8 минг тонна мевалардир», — дея таъкидлади у.
Зафар Файзиев сўзларига кўра, сўнгги олти йил ичида мамлакатда умумий сиғими 68 минг тоннага тенг 50 дан ортиқ совитиш камералари қурилган. Уларнинг жами сиғими бугунги кунда 98,5 минг тоннани ташкил этади. 2021 йилгача умумий сиғими 325 минг тонналик қўшимча совитиш камераларини ишга тушириш кўзда тутилган.
Қишлоқ хўжалик маҳсулотларининг ортиқча қисми экспорт қилинмоқда. Йил бошидан буён Россия, Қозоғистон, Озарбайжон, Қирғизистон, Хитой ва бошқа мамлакатларга карам, гилос, помидор, бодринг, сабзи, кўкатлар, қуруқ мевалар экспорт қилинган.
Изоҳ (0)