Ливаннинг бир палатали парламентида бўлиб ўтган сайлов натижаларига кўра, насроний сиёсий арбоб Мишель Аун мамлакатнинг янги президентига айланди. Бу ҳақда «ТАСС» хабар бермоқда.
Эркин ватанпарварлик ҳаракати етакчиси генерал Аун сайловнинг иккинчи турида ғолиб чиқди. Сайловда унга «Марада» партияси етакчиси Сулаймон Франже рақиблик қилди. Ҳар иккала номзод ҳам маҳаллий насронийларнинг кўпчилигини қамраб олган маронийлар жамоасига мансуб.
Ливан олий давлат раҳбари ўрни 2014 йили 25 май куни Мишель Сулаймон президентликдан кетганидан бери бўш турган эди. Икки йилдан зиёд даврдан бери депутатлар ҳам мусулмонларни, ҳам насронийларни бирдек қаноатлантирадиган номзодни танлай олмаётган эди.
Конституцияга кўра, Ливан президенти «давлат раҳбари ва миллат бирлиги тимсоли» ҳисобланади. У бош қўмондон сифатида мамлакат қуролли кучларига ҳам раҳбарлик қилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)