Навоийда ўтказилган мева-сабзавот ярмаркасида 300 дан ортиқ фермер хўжалиги, агрофирма ва қайта ишловчи корхоналар 25 турдаги қишлоқ хўжалиги маҳсулотлари билан иштирок этди. Бу ҳақда ЎзА хабар бермоқда.
— Жорий йилдан хорижга дуккакли маҳсулотлар етказиб беришни бошладик, — дейди Хатирчи туманидаги «Хатирчи озиқ-овқат» агрофирмаси директори Очил Суяров. — Айни пайтда Ҳиндистонга 100 тонна мош сотиш бўйича имзоланган шартнома асосида иш олиб боряпмиз. Бангладеш, Вьетнам давлатига ҳам мош сотиш режалаштирилган.
Ярмарка давомида фермер ва тайёрлов корхоналари, агрофирмалар ўртасида 15 минг 410 тонна маҳсулот етказиб бериш бўйича 15 миллиард сўмликдан зиёд шартномалар имзоланди.
Изоҳ (0)