Бангкокдаги катта қироллик саройида Таиланд қироли Пхумипон Адульядет (Рама IX) билан видолашув маросими бошланди. Бу ҳақда «ТАСС» хабар бермоқда.
Маҳаллий анъаналарга кўра, Пхумипон Адульядет жасади тахт ўрнатилган Дусит Маха Прасат залидаги ёпиқ мақбара ичига вертикал ҳолатда қўйилди. Видолашиш истагидагилар кўп бўлгани учун мақбарага ташриф чекланган: ҳар куни фақат 10 минг киши марҳум ҳукмдорга ҳурматини бажо келтириши мумкин.
Хайрлашув маросими бир неча ой давом этиши кутилмоқда.
Таиланд қироли Пхумипон Адульядет 13 октябрь куни вафот этди. Унинг вафоти муносабати билан 14 октябрдан мамлакатда 1 йиллик мотам эълон қилинди.
Изоҳ (0)