Bangkokdagi katta qirollik saroyida Tailand qiroli Pxumipon Adulyadet (Rama IX) bilan vidolashuv marosimi boshlandi. Bu haqda “TASS” xabar bermoqda.
Mahalliy an’analarga ko‘ra, Pxumipon Adulyadet jasadi taxt o‘rnatilgan Dusit Maxa Prasat zalidagi yopiq maqbara ichiga vertikal holatda qo‘yildi. Vidolashish istagidagilar ko‘p bo‘lgani uchun maqbaraga tashrif cheklangan: har kuni faqat 10 ming kishi marhum hukmdorga hurmatini bajo keltirishi mumkin.
Xayrlashuv marosimi bir necha oy davom etishi kutilmoqda.
Tailand qiroli Pxumipon Adulyadet 13-oktabr kuni vafot etdi. Uning vafoti munosabati bilan 14-oktabrdan mamlakatda 1 yillik motam e’lon qilindi.
Izoh (0)