Грознийда қурилаётган Европадаги энг баланд бино учун 1 млрд доллар сарфланиши маълум қилинди

Чеченистон пойтахтидаги «Ахмат-Тауэр» минораси қурилишининг якуний қиймати 1 миллиард долларга боради. Бу ҳақда шаҳар мэри Муслим Хучиев маълум қилди, дея хабар беради «РБК».

Бу аввал эълон қилинган суммадан кўра икки баробар кўп. Осмонўпар бино қурилиши қимматлашгани сабаби маълум қилинмади. Хучиевга кўра, уни бунёд этишга бюджет маблағлари сарфланмаган, барчаси хусусий инвестициялар ҳисобига амалга оширилмоқда.

102 қаватли «Ахмат-Тауэр»нинг баландлиги 435 метрга боради. Қурилиши якунлангандан сўнг минора Европадаги энг баланд бинога айланиши кутилмоқда.