Россия қуролли кучлари бош штаби раҳбари Валерий Герасимов Ироқнинг Мосул шаҳрига ҳаво ва космик разведка воситалари йўллангани ҳақида баёнот берди. Уларнинг ёрдамида россиялик ҳарбийлар шаҳарни ИШИД жангариларидан тозалаш бўйича операцияни узлуксиз кузатиш имкониятига эга бўлмоқда, деб хабар беради «Газета.ru».
«Биз Мосул атрофидаги вазиятни кун давомида узлуксиз кузатиб борамиз. У ерга космик разведка аппаратлари йўлланди, шунингдек, минтақага бевосита яқин ҳудудда ўнлаб ҳаво разведкаси воситаларимиз ишламоқда, улар орасида, жумладан, учувчисиз аппаратлар бор», — деди Герасимов.
Мосулни ИШИДдан озод қилиш операцияси 17 октябрь куни эрталаб бошланди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)