Россия Премьер-Лигасининг «Оренбург» клуби шарафини ҳимоя қилаётган ўзбекистонлик футболчи Вадим Афонин билан суҳбат «Championat.asia» сайтида чоп этилди.
Ўз вақтида Тошкентнинг «Трактор» ва Ғузорнинг «Шўртан» клубларида тўп сурган Афонин суҳбат чоғида қуйидаги фикрларни билдирди:
«‘Оренбур’да легионер футболчи ҳисобланаман. Ахир мен Ўзбекистон миллий терма жамоаси сафида майдонга тушганман».
Суҳбат давомида Вадим Афонинга Ўзбекистон терма жамоасидаги биринчи ва шу билан бирга охирги бўлган ягона ўйини эслатиб ўтилган:
«Адашмасам, ўртоқлик ўйини эди. Кейин Эрон устидан зафар қучилган ўйин олдидан мураббийлар мени майдонга тушиши мумкин бўлган футболчилар қаторига киритишди. Ўшанда Эронни 1:0 ҳисобида мағлуб этгандик. Жанубий Корея билан 2:2 ҳисобида дуранг ўйнаганимизда ҳам рўйхатда бор эдим».
«Ҳар қандай футболчи халқаро майдонда юрт шаънини ҳимоя қилишни ўйлайди. Бу хоҳиш менда ҳам бор. Агар терма жамоа мураббийлари мени чақиришса, буни жоним билан қабул қилиб, Ўзбекистонга учиб келаман».
Суҳбат давомида Вадим Афонин терма жамоа бош мураббийи Самвел Бабаян ҳам, унинг ёрдамчилари ҳам бош жамоага жалб қилиш таклифи билан чиқмаганликлари ҳақида айтиб ўтган.
Россия Премьер-Лигасида тўп сурадиган Одил Аҳмедов ҳамда Виталий Денисов билан қўнғироқлашиб туриш борасидаги саволга Вадим Афонин фақатгина ўзаро ўйинларда кўришишлари билан жавоб қайтарган. Россия тўп сураётган Вагиз Галиулин билан эса сухбатлашиб туришларини билдирган.
Вадим Афонин «Оренбург» клубининг Премьер-Лигага қадам қўйишида меҳнат қилган 29 ёшли футболчи ҳисобланади. У чемпионатнинг ортда қолган тўққиз тури давомида саккиз бор майдонга тушган.
Изоҳ (0)