Тошкент мезбонлик қилаётган дзюдо бўйича Гран-При турнирининг биринчи кунида Ўзбекистон терма жамоаси 7 та медални қўлга киритган бўлиб, шулардан фақатгина 1 таси олтин бўлганди. Бу эса 2 та олтин медалга эга чиқиб улгурган Россиядан ортда қолишга сабаб бўлаётганди.
Гран-Прида ҳозирга қадар ўзбекистонликлар қўлга киритган олтинлар сони 4 тага етгани ҳақида «Оламспорт» хабар берди. Аввалроқ -60 килограммда Муҳриддин Тиловов чемпионликни тантана қилган бўлса, эндиликда унинг ёнига Гулноза Матниёзова, Давлат Бобонов ва Мирзоҳид Фармонов қўшилди.
Гулноза Матниёзова -70 килограмм бўлган спортчилар ўртасидаги мусобақада барча рақибаларини мағлубиятга учратди. Мос равишда Мирзоҳид Фармонов -73, Давлат Бобонов -81 килограмм вазн тоифасида чемпионликни қўлга киритди.
Изоҳ (0)