Франция термасида 5 та ўйин ўтказган «Барселона» аъзоси Жереми Матье ўз ўрнини ёшларга бўшатишга қарор қилди

«Барселона» ҳимоячиси Жереми Матье Франция терма жамоасидаги фаолиятини якунлади, деб хабар берди L`Équipe.

Франция устози Дидье Дешам Матени 7 октябрда Болгария ва 10 октябрь куни Голландия билан бўлиб ўтадиган ЖЧ—2018 саралаши доирасидаги ўйинларга таклиф қилганди. Шундан сўнг ҳимоячи Дешам билан сухбатлашиб олди ва термадаги ўрнини ёшларга бўшатишга қарор қилди.

1983 йилда таваллуд топган ҳимоячи Франция термаси сафида бор-йўғи 5 та ўйинда майдонга тушгани ҳақида «Футбол Кулички» нашри хабар берди.