Россиянинг Томск вилоятида тергов Сибир буғусининг «Россельхозбанк» ходимига ҳужум қилиши сабабларини ўрганмоқда. Жонзотнинг ҳужуми оқибатида 24 ёшли йигит ҳалок бўлган. Бу ҳақда, Россия Тергов қўмитасининг Томск вилояти бўйича бошқармаси матбуот хизматига таяниб, «ТАСС» хабар бермоқда.
«Ёш йигит тўсиқлар билан ўралган ҳудудга кириб, у ердаги машинлар суратини олиши керак эди. Ўша ернинг ўзида бир нечта Сибир буғуси бўлган. Улардан бири йигитга ташланди ва шохлари билан зарба берди. Йигит олган жароҳатлари натижасида воқеа жойида ҳалок бўлди», — дейилади бошқарма ахборотида.
Хабар беришларича, «Россельхозбанк»нинг Томск вилояти филиалида ишлаган 24 ёшли ходим Варгатёр қишлоғига якка тартибдаги тадбиркорнинг банк гаровида бўлган мол-мулкини текшириш учун келган эди.
Ҳодиса содир этилган ҳудуд кўриб чиқилди, гувоҳлар сўроқ қилинмоқда. Воқеа юзасидан суд тиббий экспертизаси белгиланди.
Изоҳ (0)